Home » FoodShare at Farmers’ Markets » Wisconsin Nutrition Incentive Partner Network » WINI Nutrition Incentives Full Toolkit 2026 – Hmoob
WINI Nutrition Incentives Full Toolkit 2026 – Hmoob
WINI Nutrition Incentives Full Toolkit 2026 – Hmoob
Dab tsi yog SNAP/EBT?
SNAP tau los ntawm Lub Khoos Kas Pab Txog Khoom Noj Khoom Haus Muaj Txiaj Ntsig Zoo Ntxiv (Supplemental Nutrition Assistance Program. SNAP). Lub khoos kas SNAP muab kev pab fab khoom noj khoom haus rau cov tsev neeg uas khwv tua nyiaj tsawg txhawm rau los ntxiv cov peev nyiaj yuav khoom noj. Tom qab xa cov pov thawj ntawm kev tsim nyog tau txais lawm, cov neeg muaj cai tau txais SNAP yuav tau txais daim npav EBT uas muaj kev ntxiv nyiaj rau txhua hli.
FoodShare yog lub npe khoos kas SNAP ntawm Wisconsin (Wisconsin SNAP program). Yav tas los hu ua kev lub nqi khoom noj khoom haus, FoodShare txhim kho kev nkag cuag cov zaub mov thiab txo kev tshaib nqhis thiab kev txom nyem rau tib neeg ntau dua 650,000 leej neeg.
EBT tau los ntawm Kev Xa Nyiaj Pab Es Lev Thaus Niv. Hauv Wisconsin, daim npav EBT tso cai rau cov neeg koom nrog FoodShare/SNAP tuaj yeem siv Quest Card, uas muaj tsos zoo li daim npav debit rau cov txiaj ntsig SNAP hauv kev yuav khoom.
“Lub khw no tso cai rau peb siv cov txiaj ntsig
-Tus neeg koom nrog FoodShare los ntawm Wausau
ntawm SNAP los txhawb nqa lub zej zog hauv zos.”
Yuav Pib Li Cas Siv daim npav SNAP/EBT ntawm koj Lub Kiab Khw Khoom Liaj Khoom Teb
Qhia tus as khauj tuam txhab nyiaj thiab tus neeg txais
Tus as khauj hauv tuam txhab nyiaj uas cais tawm ntawm koj tus as khauj lag luam hauv kev ua lag luam. Yuav tsum muaj tus lej EIN los sis SSN.
Ua tus sawv cev muag khoom uas tau txais kev tso cai los ntawm SNAP
Thov los ntawm USDA kom tau txais kev tso cai FNS. Feem ntau lawm cov txheej txheem no yuav siv sij hawm li 4-6 lub lim tiam.
Scrips & Tokens
Muab cov cim ntoo/yas los sis daim coupon luam tawm/dis cis tauj los pab kom yooj yim ntawm kev muag cov npav SNAP.
Xaiv koj cov khoom thiab xyuas kev sib txuas
Txiav txim siab xaiv cov khoom siv muag khoom (marketlink); xyuas kom meej ntawm kev txuas is taws nem zoo
Teeb Tsa Ib Tus As Khauj
Npaj ib lub lab npauv rau kev taug qab cov kev lag luam SNAP thiab kev kev hloov khoom los ntawm tus neeg muag.
Kev lag luam
Thov yuav cov khoom siv xws li cov paib thiab cov khoom banners. Xyuas kom paub tseeb tias koj cov neeg qhua paub tias yuav ntsaws lawv daim npav SNAP tau qhov twg. Npaj ua ntej rau kev txhais lus.
Nrhiav Neeg Ua Hauj Lwm thiab Cob Qhia Cov Neeg Muag Khoom
Cia koj pab pawg neeg los koom nrog thiab cob qhia lawv txog seb yuav ua li cas thiab yog vim li cas ntawm cov kev pab cuam SNAP hauv kev ua lag luam.
Kev Txhawb Nqa
Qhia rau koj lub zej zog! Sim siv cov social media, cov pab pawg hauv zos, cov paib qhia thiab qhia ib leeg rau ib leeg!
Ntiav thiab cob qhia cov neeg ua hauj lwm
Kev tswj hwm lub rooj muag khoom SNAP/EBT xav tau kev hlub tshua, kev ua tsis tu ncua thiab kev sib txig.
Kev ruaj khov thiab kev ntsuam xyuas
Tsim ib txoj phiaj xwm los ntsuam xyuas thiab xyuas kom paub meej tias qhov kev pab cuam kav ntev.
Dab tsi yog Cov Nyiaj Pab Txhawb Khoom Noj Khoom Haus Muaj Txiaj Ntsig Zoo?
Cov Hauv Paus
Double Dollars, Double Up, Market Bucks thiab Market Match muaj dab tsi sib xws? Cov khoos kas no yog cov nyiaj pab txhawb nqa khoom noj khoom haus muaj txiaj ntsig zoo thiab txhawb kom cov neeg qhua uas muaj nyiaj tsawg tig los yuav khoom ntawm lub kiab khw muag khoom liaj khoom teb.
Cov qauv hauv kev txhawb siab fab khoom noj khoom haus muaj txiaj ntsig zoo yog ib qho nyiaj pab txhawb, xws li cov nyiaj bonus los sis luv nqi, los txhawb cov neeg qhua uas muaj nyiaj tsawg, feem ntau yog cov neeg muaj cai tau txais FoodShare/SNAP, txhawm rau los yuav txiv hmab txiv ntoo thiab zaub ntau dua.
Cov npe feem ntau rau cov nyiaj pab txhawb khoom noj khoom haus muaj txiaj ntsig zoo:
- Healthy food incentive
- Market Match
- Txais Food Bucks Ob Npug (Double Up Food Bucks)
- Double Dollars
Vim li cas?
Cov nyiaj pab txhawb khoom noj kho`om haus muaj txiaj ntsig zoo txhawm rau los txhim kho kev noj qab haus huv los ntawm kev tsom kwm mus rau cov khoom noj uas tsis muaj txaus hauv cov zaub mov ntawm cov neeg Meskas thiab txhim kho kom muaj cov khoom noj tshiab. kev nkag cuag tau (1)
Cov nyiaj pab txhawb khoom noj khoom haus muaj txiaj ntsig kev pab txhim kho tej khoom noj khoom haus hauv zos los ntawm kev ntxiv nyiaj ntau ntxiv ntawm cov kiab khw khoom liaj khoom teb thiab cov lag luam nyob ze (2)
Kev Paub Txog cov Neeg Qhua
Cov kauj ruam yooj yim
Tus Thawj Saib Xyuas Kiab Khw uas pab nyiaj rau qhov kev pab cuam yuav siv daim npav Quest Card ntawm tus neeg qhua thiab muab cov tokens SNAP + cov cim Double Up (Hauv WI, tus nqi double up feem ntau yog $20 rau ib tus neeg siv SNAP ib hnub Saturday).
Cov neeg qhua mus yuav khoom hauv kiab khw, siv cov cim SNAP rau cov khoom uas tsim nyog rau SNAP thiab cov tokens Double Up rau cov txiv hmab txiv ntoo thiab zaub tag nrho los sis hlais tawm lawm (tshiab, tsau khov, qhuav, ntim hauv kaus poom dej los sis kua txiv hmab txiv ntoo 100%) yam tsis muaj cov khoom xyaw ntxiv.
Cov neeg muag khoom yuav sau cov cim tokens rau cov khoom uas tsim nyog thiab xa cov cim tokens rov qab rau Tus Thawj Saib Xyuas Kiab Khw ntawd txhawm rau thov them nyiaj rov qab.
Yuav pib li cas ib qho Kev Pab Nyiaj Txhawb Nqa Khoom Noj Khoom Haus Muaj Txiaj Ntsig Zoo
Phau ntawv qhia txog kev siv phau ntawv qhia luv ntawm
Tus Thawj Saib Xyuas Kiab Khw
Cov Ntsiab Lus Tseem Ceeb:
Lub rooj muag khoom qhia txog kiab khw khoom liaj khoom teb
Ntau lub kiab khw muaj cov neeg ua hauj lwm uas tau txais nyiaj them los sis ua hauj lwm pub dawb los sis hloov cov neeg muag khoom mus ua txoj hauj lwm no.
Lub lab npauv qhia meej rau kev tswj hwm scrip/token
Ntau lub kiab khw siv cov tokens los sis daim ntawv pov thawj rau cov nyiaj pab txhawb nqa khoom noj khoom haus muaj txiaj ntsig zoo. Xyuas kom paub tseeb tias daim coupon scrip no txawv ntawm SNAP los sis lwm daim coupon hauv kiab khw thiab cov neeg qhua thiab cov neeg muag khoom paub siv thiab hloov daim coupon tau yam raug.
Kev lag luam rau cov neeg qhua thiab cov neeg muag khoom
Cov kev pab nyiaj txhawb nqa khoom noj khoom haus muaj txiaj ntsig zoo uas zoo tshaj plaws yuav tsum muaj kev lag luam tsis tu ncua, pom tseeb thiab suav nrog txhua hom lus hais hauv kiab khw.
Kev qhia txhua tus neeg hauv kiab khw
Qhia cov neeg yuav khoom, cov neeg muag khoom, cov neeg ua hauj lwm, cov neeg qhua thiab cov neeg ua hauj lwm pab dawb ntawm lub khw txog koj qhov kev pab nyiaj. Txhua tus neeg ua hauj lwm hauv kiab khw thiab cov neeg ua hauj lwm pab dawb yuav tsum muaj kev ntseeg siab rau cov hauv paus ntawm qhov kev pab cuam, nrog rau lawv lub peev xwm hauv kev los tsim kom muaj ib puag ncig xis nyob thiab muaj kev txais tos. Xav txog: kev cob qhia txog kev coj noj coj ua rau cov neeg ua hauj lwm thiab/los sis qhib rau cov neeg yuav khoom ntawm FoodShare/SNAP ncig xyuas kiab khw
Kev koom tes thiab kev sib pab
Txuas rau cov hauj lwm uas tab tom pab cov neeg uas tsis muaj zaub mov noj lawm. Ua hauj lwm koom tes nrog cov chaw muab zaub mov, chaw nkaum so, chaw kho mob, tsev kawm qib siab, cov kws qhia ntawv thiab lwm yam txhawm rau los tshaj tawm qhia rau cov neeg qhua txog koj qhov kev pab cuam tshiab. Xav Txog: Tsab ntawv tshaj xov xwm hauv oos lais uas muaj ntau yam kev tshaj tawm, cov ntawv faib rau hnub tuaj tos khoom noj thiab/los sis kev sib koom tes ua hauj lwm pab dawb.
Yuav ua li cas thiaj nrhiav tau nyiaj los pab txhawb nqa Khoos Kas Pab Nyiaj Txhawb Nqa Khoom Noj Khoom Haus Muaj Txiaj Ntsig Zoo
Tus Thawj Saib Xyuas Kiab Khw 5 lub tswv yim zoo tshaj plaws los tswj thiab nrhiav nyiaj pab rau koj qhov kev pab cuam
Lub lab npauv taug qab xyuas cov nyiaj pab txhawb nqa khoom noj khoom haus muaj txiaj ntsig zoo
Taug qab xyuas koj cov nyiaj pab Double Up kom ntseeg tau tias koj muaj tus as khauj txhab nyiaj ruaj ntseg, qhia lub hom phiaj hauv kev siv nyiaj pab, qhia txog qhov cuam tshuam ntawm qhov kev pab cuam thiab qhia cov txiaj ntsig rov qab rau cov neeg koom nrog paub. Taug qab xyuas txhua hom token uas koj them rov qab rau cov neeg muag khoom nrog lub lab npauv ID neeg qhua ruaj ntseg.
Kev ntsuam xyuas tsis tu ncua thiab txuas ntxiv mus
Ua kom tiav kev ntsuam xyuas tsis tu ncua ntawm kev ua hauj lwm ntawm qhov kev pab cuam nrog rau kev paub dhau los ntawm cov neeg qhua thiab cov neeg muag khoom. Xav txog cov lus nug zoo li: Muaj pes tsawg tus neeg siv qhov kev pab cuam no? Xam nraub nrab lawm txhua lub kiab khw muaj kev them nqi peev pes tsawg? Qhov kev pab cuam no muaj feem cuam tshuam rau cov neeg yuav khoom ntau tsawg npaum li cas? Faib cov txiaj ntsig rau cov neeg muag khoom hauv kiab khw, cov neeg muaj peev xwm pab nyiaj txiag thiab cov neeg hauv zej zog.
Lub caij nyoog thiab kev teeb tsa
Pib thov kev txhawb nqa thiab thov nyiaj pab ua ntej 4-6 lub hlis ua ntej hnub koj pib nthuav qhov lag luam. Tsim lab npauv kom kev pab nyiaj yog ib qho yooj yim: cov chaw pab hauv oos lais, ceeb toom qhia txog qhov chaw yuav xa daim tshev mus ncaj qha raws li koj cov ntawv thov.
Muaj ntau txoj kev tau nyiaj pab
Txawm tias lub xeev Double Up Food Bucks tej zaum yuav tuaj yeem pab nyiaj rau qee qhov ntawm koj qhov kev pab cuam, ntau yam kev pab nyiaj txiag pab txhawb rau kev ua tiav ntawm qhov kev pab cuam yam muaj kev ruaj ntseg.
Kev pab nyiaj txiag tsis tu ncua
Tsim ib txoj kev npaj mus sij hawm ntev rau kev thov nyiaj pab rau koj
qhov kev pab cuam: xav txog cov nyiaj pab, tsim cov theem txhawb nqa, koom tes nrog lub koom haum tsis vam nyiaj txiaj ntsig, koom haum saib xyuas khoom noj khoom haus hauv zos, tua tsev hauj lwm saib xyuas kev noj qab haus huv hauv zos los sis cov koom haum pab khoom noj khoom haus.
Sim los xav txog koj cov nyiaj pab zoo ib yam li lub rooj zaum4-txhais ceg: Khaws koj cov peev nyiaj rau qhov kev pab cuam kom sib npaug nrog ntau qhov chaw tau nyiaj pab los sib txawv.
- Kev nrhiav nyiaj pab thiab kev koom tes hauv zos (Piv txwv li, kev txhawb nqa los ntawm cov lag luam hauv zos)
- Nyiaj Pab (Piv txwv li, cov koom haum pab nyiaj hauv zej zog)
- Kev pab nyiaj rau Lub Cheeb Tsam Nroog/Lub Nroog (Piv txwv li. Kev Tswj Nyiaj Txiag Rau Cheeb Tsam Nroog)
- Nyiaj pab los ntawm lub xeev (Tsab Cai 201 → Double Up Food Bucks WI)
Dab tsi yog Double Up Food Bucks WI Hauv Wisconsin yog dab tsi?
Muaj ntau lub kiab khw thiab cov chaw muag khoom thoob plaws hauv Wisconsin tau muab cov nyiaj pab txhawb nqa khoom noj khoom haus muaj txiaj ntsig zoo los tau ntau xyoo lawm, suav nrog Dane County Double Dollars, Milwaukee Market Match thiab Green Bay Double Your Bucks.
Qhov kev siv ua hauv 12 lub hlis (Lub Ob Hlis 2026 – Lub Ib Hlis Ntuj Tim 31, 2027)
Kev pab nyiaj rau qhov kev pab cuam los ntawm Kev Pab Nyiaj Txhawb Nqa Kev Noj Qab Nyob Zoo, los ntawm DHS raws li Tsab Cai 201.
1) kev nkag cuag tau rau cov neeg tau nyiaj tsawg
2) kev nkag cuag tau rau cov chaw
deb nroog
3) qhov kev pab nyiaj txhawb nqa uas twb muaj lawm
Cov neeg koom nrog qhov kev pab cuam SNAP yuav tau txais nyiaj pab li $20 txhua lub lim tiam ntawm cov chaw tsim nyog
65 qhov chaw nyob rau hauv 60 lub nroog
Cov kiab khw khoom liaj khoom teb, Co-ops, cov khw muag khoom qhuav hauv zos thiab lub thawv muag khoom noj hauv oos lais hauv zos
Cov Chaw Pab Cuam Hauv Cheeb Tsam rau Double Up Food Bucks WI
Cov Chaw Pab Cuam Hauv Cheeb Tsam ua hauj lwm ncaj qha nrog cov kiab khw khoom liaj khoom teb thiab cov khw muag khoom kom faib cov nyiaj pab txhawb nqa kkoom noj khoom haus muaj txiaj ntsig zoo ncaj qha rau cov chaw tsim nyog.
Sab Qaum Teb: Central Wisconsin Farmers Market Collaborative / Wood County Health
Sab Qaum Teb Hnub Tuaj: Wello
Sab Hnub Poob: UW-Eau Claire and Menomonie Market Food Co-op
Sab Qab Teb: Community Action Coalition (CAC)
Sab Qab Teb Hnub Tuaj: Feeding America Eastern Wisconsin (FAEW)
Thoob Plaws Xeev: FairShare CSA Coalition & Wisconsin Food Hub
Kev tswj hwm: Feeding America Eastern Wisconsin (FAEW)
KEV MUAJ CAI TSIM NYOG YUAV COV KHOOM
DOUBLE UP FOOD BUCKS
Txiv hmab txiv ntoo thiab zaub ua lub los sis muab hlais (tshiab, muab ua khov, qhuav, ntim hauv kos poom los sis kua txiv hmab txiv ntoo 100%) uas tsis muaj cov khoom xyaw ntxiv.
PEB TUAJ TXOG NTAWM NO TAU LI CAS
Lub Kaum Ob Hlis Ntuj 2023: WINI thiab Lub Koom Haum Saib Xyuas Plawv Rau Neeg Meskas koom tes ua ke rau txoj cai lij choj: Cov Nyiaj Pab Txhawb Khoom Noj Khoom Haus Muaj Txiaj Ntsig Zoo Rau Fab Kev Noj Qab Nyob Zoo ntawm WI*
Lub Peb Hlis Ntuj 2024: Tsab Cai 201* tau txais kev pom zoo, yuav tsum tau kom Lub Tuam Tsev Hauj Lwm Saib Xyuas Kev Noj Qab Haus Huv (Department of Health Services, DHS) yog tus los tswj hwm qhov kev pab cuam.
Lub Caij Ntuj Sov 2024: DHS tau thov thiab tsis kam lees GusNIP
Lub Kaum Ob Hlis Ntuj 2024: DHS tso tawm Daim Ntawv Thov Kev Pab (Request for Applications, RFA) rau cov koom haum tsis vam nyiaj paj ntsig los tswj hwm Tsab Cai 201.
Lub Rau Hli Ntuj 2025: DHS Healthy Food Incentive RFA tau qhib daim ntawv thov dua ib zaug ntxiv, Daim ntawv thov tau txais kev pom zoo rau Double Up Food Bucks WI*
Lub Ob Hlis Ntuj 2026: Qhov khoos kas Double Up Food Bucks Wisconsin 12-hli tau qhib siv lawm
*Kev hloov npe: Tsab Cai 201 → WI Lub Khoos Kas Nyiaj Pab Txhawb Khoom Noj Khoom Haus Kom Muaj Kev Noj Qab Haus Huv → Double Up Food Bucks WI
PEB YUAV MUS QHOV TWG
XYOO 1: tsim kev ntseeg siab thiab tsim cov kev coj ua zoo tshaj plaws
XYOO 2-4: nrhiav nyiaj pab ntxiv thiab nthuav dav kev ua hauj lwm
XYOO 5 ROV SAUD: tsim qhov khoos kas Double Up Food Bucks los ua ib qho kev pab cuam tas mus li uas tsom kwm mus rau kev cog qoob loo hauv zos los ntawm: kev ua kom tuaj yeem nkag cuag tau rau cov txiv hmab txiv ntoo thiab zaub hauv zos rau cov tsev neeg uas muaj nyiaj tsawg thiab nthuav dav cov cib fim rau cov neeg cog qoob loo hauv zos
Yuav dab tsi thiaj li zoo ntawm Kiab Khw Khoom Liaj Khoom Teb nrog SNAP & Double Up Food Bucks
KEV YUAV KHOOM UAS TUAJ YEEM SIV COV KEV TSIM NYOG NTAWM SNAP TAU
Txiv Hmab Txiv Ntoo thiab Zaub: Cov tseem tshiab, qhuav los sis cov
ntim hauv kaus poom xws li: txiv apples, carrots, taum ntsuab, raisins, pickles thiab applesauce
Cov Qhaub Cij thiab Cereals: Qhaub cij, pasta, mov, mov oats thiab cov khoom noj tshais cereals.
Protein: cov khoom tshiab, tsau khov, ntim hauv kaus poom los sis qhuav xws li: taum, nqaij thiab qe
Cov Noob thiab Cov Nroj Tsuag: Rau kev cog tej khoom noj haus tom tsev, xws li noob zaub los sis cov tshuaj ntsuab.
Cov Mis Khov, Mis Nyuj Pasteurized thiab lwm yam Khoom Noj Uas Yog Mis Nyuj: mis nyuj, mis khov, mis qaub thiab lwm yam khoom noj uas tsis yog mis nyuj.
Lwm Yam: Lwm yam khoom muaj xws li jam, zib ntab, dej haus hauv lub taub, thiab lwm yam.
COV KHOOM YUAV UAS TSIS RAWS LI SNAP
Cov khoom noj uas npaj tiav lawm uas yuav tsum tau noj hauv kiab khw
Cov khoom tu cev xws li xab npum los sis tshuaj pleev
Cov vitamin, cov tshuaj ntsuab los sis cov tshuaj kho mob
TXav txog: “Cov khoom no puas yuav noj KUB los sis Txias?“ kas fes txias, kua txiv hmab txiv ntoo hauv lub thawv nqa mus nrog tau, zaub xam lav ua tiav lawm, qe thiab lwm yam yog cov khoom noj uas yuav tsum tau noj tam sim ntawd, yog li ntawd tsis tsim nyog siv rau SNAP.
KEV MUAJ CAI TSIM NYOG YUAV COV KHOOM DOUBLE UP FOOD BUCKS
Txiv hmab txiv ntoo thiab zaub ua lub los sis muab hlais (tshiab, muab ua khov, qhuav, ntim hauv kos poom los sis kua txiv hmab txiv ntoo 100%) uas tsis muaj cov khoom xyaw ntxiv.
Cov txiv hmab txiv ntoo thiab zaub tshiab los sis tsau khov
Cov txiv hmab txiv ntoo qhuav thiab zaub tsis ntxiv piam thaj los sis ntsev
100% kua txiv hmab txiv ntoo
Cov txiv hmab txiv ntoo los sis zaub ntim hauv cov kaus poom, tsis muaj piam thaj, ntsev los sis khoom ua xyaw zaub ntxiv
Hloov koj cov nyiaj txhawb nqa ntawm SNAP mus rau Txiv Hmab Txiv Ntoo thiab Zaub nkaus xwb
Feem ntau cov kev pab nyiaj txhawb nqa khoom noj khoom haus muaj txiaj ntsig zoo hauv Wisconsin yog cov kev pab nyiaj txhawb nqa ntawm SNAP, uas ob npaug ntawm txhua yam khoom ntawm SNAP. Txawm li cas los xij, muaj ntau yam laj thawj ua rau ntau cov kev pab cuam thoob plaws lub xeev hloov mus rau cov txiaj ntsig txiv hmab txiv ntoo thiab zaub.
Vim li cas ho hloov?
Txhawm rau kom tuaj yeem nkag cuag tau rau nyiaj txiag ntawm lub xeev thiab tsoom fwv teb chaws
Cov kev pab cuam hauv tsoom fwv teb chaws, xws li Gus Schumacher Nutrition Incentive Program (GusNIP) thiab lub xeev Lub Khoos Kas Nyiaj Pab Txhawb Khoom Noj Khoom Haus Kom Muaj Kev Noj Qab Haus Huv (tseem hu ua Double up Food Bucks WI) ua kom lub khoos kas ua kom sib dho qhov kev yuav SNAP nrog cov txiv hmab txiv ntoo thiab zaub nkaus xwb txhawm rau kom thiaj li muaj cai tsim nyog tau txais nyiaj pab.
Txhim kho zej zog kev noj qab haus huv
Txiv hmab txiv ntoo thiab zaub yog cov khoom noj uas noj uas tsis muaj nyob rau hauv cov zaub mov noj txhua hnub ntawm cov neeg Meskas. Los ntawm kev txwv qhov kev pab nyiaj txhawb nqa rau cov txiv hmab txiv ntoo thiab zaub nkaus xwb, peb txhawb kom cov tsev neeg noj txiv hmab txiv ntoo thiab zaub ntau dua.
Yuav tham nrog cov neeg muag khoom li cas txog qhov hloov pauv
Piav kom ntxaws: Kev yuav khoom ntawm daim npav SNAP thawj zaug tuaj yeem rau cov khoom dab tsi los tau uas nyob hauv SNAP, tsuas yog luv nqi (los sis cov nyiaj uas nce ntxiv ob npaug) uas tsuas yog txwv rau Cov Txiv Hmab Txiv Ntoo thiab Zaub Xwb.
Tham nrog cov neeg muag nqaij thiab mis nyuj uas koj txhawj xeeb tias koj yuav tsis tau txais kev pab nyiaj txiag no. Mloog lawv tej kev txhawj xeeb thiab taug qab saib tas li.
Ua kom pom tseeb txog kev ruaj khov ntawm kev nyiaj txiag uas tau los ntawm kev txhawb nqa nyiaj txiag tsis tu ncua thiab yuav ua li cas thiaj li txo tau qhov kev nyuaj siab ntawm cov thawj tswj hwm kiab khw/cov tswv cuab ntawm pawg thawj coj nrhiav nyiaj txiag.
Ua kom muaj kev ntxiv nyiaj txiag los ntawm kev hloov mus rau Double Up Food Bucks Wisconsin, txhua lub khoos kas yuav pib nrog $ 20.
Muab piv txwv los ntawm lwm cov khoo kas hauv Wisconsin, xws li Dane County Double Dollars, uas tau ua tiav hauv cov kiab khw khoom liaj khoom teb 8 lub thaum hloov ntawm khoos kas pab nyiaj SNAP mus rau khoos kas pab nyiaj txhawb nqa txiv hmab txiv ntoo thiab zaub hauv xyoo 2024.
Thov xa cov ntaub ntawv thiab kev tshawb fawb ntxiv yog tias cov neeg muag khoom nyiam raug.
Sib txuas lus nrog cov neeg yuav khoom txog kev txhawb siab fab khoom noj khoom haus muaj txiaj ntsig zooes
Cov neeg yuav khoom SNAP txawj ntse thiab tshaj lij ntawm kev siv lawv cov nyiaj yuav khoom noj kom tsim nyog. Cov kev txhawb siab fab khoom noj khoom haus muaj txiaj ntsig zoo yog ib txoj hauv kev zoo los txhawb cov neeg yuav khoom tias lub kiab khw khoom liaj khoom teb los sis lub koom haum ua zaub mov hauv zos yog ib txoj hauv kev xaiv uas qab thiab pheej yig ntawm kev yuav khoom noj khoom haus rau lawv tsev neeg.
Hais li no:
“Peb lub khw muaj khoos kas yuav ntxiv ob npaug. Qhov ntawd txhais tau tias txhua duas las uas koj siv nrog koj daim Quest Card, peb yuav muab ntxiv li ib duas las txhawm rau yuav txiv hmab txiv ntoo thiab zaub, siab txog $20.“
“Siv koj cov tokens SNAP los yuav qhaub cij, qe, cheese, nqaij, bakery los sis lwm yam khoom uas muaj cai tau txais SNAP, siv koj cov Double Up Food Bucks yuav txiv hmab txiv ntoo thiab zaub.”
“Peb zoo siab heev uas koj yuav khoom ntawm peb lub kiab khw khoom liaj khoom teb thiab peb xav kom koj tuaj tas li yog muaj dab tsi uas peb tuaj yeem pab tau thov qhia peb paub.”
Kev tswj xyuas cov nyiaj khoos kas txhawm rau los tham nrog cov neeg yuav khoom txog kev hloov pauv ntawm lub khoos kas
Piav kom ntxaws: Kev yuav khoom ntawm daim npav SNAP thawj zaug tuaj yeem rau cov khoom dab tsi los tau uas nyob hauv SNAP, tsuas yog luv nqi (los sis cov nyiaj uas nce ntxiv ob npaug) uas tsuas yog txwv rau cov txiv hmab txiv ntoo thiab zaub xwb.
Qhia cov piv txwv ntawm tokens, daim ntawv luv nqi los sis daim ntawv coupon siv rau hauv txhua qhov kev lag luam ntawm koj lub khw, thaum muab kev paub, ua vis dis aus txhawb nqa kev muag khoom, los sis tsim cov ntawv qhia/cov ntawv faib.
Thov coj kom zoo rau cov qhua txhua tus. Ua kom koj lub kiab khw khoom liaj khoom teb yog qhov chaw uas txhua tus neeg tuaj yeem yuav khoom yam tsis tshai kev txiav txim los sis tsis tas yuav piav qhia tus kheej.
Xaiv yuav khoom kom ntse los ntawm kev muab cov tswv yim ua zaub mov, taw qhia seb muaj dab tsi tshiab hauv khw lub lim tiam no, los sis leej twg yuav muaj yam khoom luv nqi ntau vim yog cov khoom noj raws caij.
Qhib siab txais cov lus taw qhia, thiab muab hwv tsam rau cov neeg yuav khoom los qhia lawv cov kev paub dhau los thiab qhia txog kev txhim kho.
Qhia cov peev txheej thiab cov hwv tsam ntxiv xws li cov xuj ua zaub mov, kev ncig xyuas, kev saj zaub mov thiab lwm yam.
Cov Khoos Kas Pab Txhawb Nqa Khoom Noj Khoom Haus Muaj Txiaj Ntsig Zoo Cov Qauv Kev Sau Ntaub Ntawv
Kev sau cov ntaub ntawv yog qhov tseem ceeb rau kev tshaj tawm cov nyiaj pab, kev soj ntsuam qhov cuam tshuam rau kiab khw khoom liaj khoom teb thiab kev taug qab saib cov nyiaj pab uas tseem tshuav hauv koj tus as khauj hauv tuam txhab nyiaj rau lub khoos kas txhawb nqa khoom noj khoom haus muaj txiaj ntsig zoo. Muaj kev coj ua rau kev sau cov ntaub ntawv thaum ntxov hauv lub khoos kas yuav muaj txiaj ntsig rau koj ntev.
Kev Tshawb Fawb thiab Kev Tshaj Tawm Qhia Txhua Xyoo ntawm WINI
Txij li xyoo 2024, WINI tau sau cov ntaub ntawv thoob plaws lub xeev txog kev
nkag cuag rau SNAP ntawm cov kiab khw khoom liaj khoom teb thiab kev txhawb siab fab khoom noj khoom haus muaj txiaj ntsig zoo ntawm lawv. cov teeb meem ntawm lub khoos kas. Cov ntaub ntawv no qhia txog zaj dab neeg ntawm kev nkag siab txog cov kev txhawb siab fab khoom noj khoom haus muaj txiaj ntsig zoo thoob plaws lub xeev. WINI sau cov ntaub ntawv no cia rau hauv daim ntawv tshaj tawm txhua xyoo uas muaj txiaj ntsig zoo rau kev sau cov khoos kas thov nyiaj pab thiab qhia txog qhov cuam tshuam nrog cov tswv cuab hauv zej zog.
Cov ntaub ntawv sau los ntawm kev soj ntsuam txhua xyoo
ntawm WINI:
- Kev pauv SNAP thiab kev txhawb siab fab khoom noj khoom haus muaj txiaj ntsig zoo tag nrho
- Kev hloov pauv/kev txhim kho ntawm cov khoos kas
- Qhov ua tau zoo thiab kev ua tiav ntawm lub khoos kas
- Cov neeg koom nrog hauv lub khoos kas tag nrho
Cov qauv ntaub ntawv uas lub kiab khw yuav tsum tau sau
- Hnub xa nyiaj
- Tus neeg muag khoom lub npe
- Cov hom tokens uas tau them rov qab
- Tag nrho cov nyiaj uas tau txais
- Hnub xa nyiaj SNAP
- Qhov muag tau ntawm SNAP
- Hom kev them nyiaj txhawb siab
- Tus nqi them nyiaj txhawb siab
- Kev soj ntsuam ntawm tus neeg muag khoom
- daim ntawv txais nyiaj
- Daim Ntawv Teev Cov Khoom SNAP Uas Tsim Nyog
- cov neeg tuaj koom
- kev soj ntsuam ntawm cov neeg
- tuaj koom
- tus zauv chaw nyob